HABARI>>>MWILI WA SITTA KUWASILI NCHINI ALHAMIS

Mwili wa Spika Mstaafu wa Bunge la Jamhuri ya Muungano wa Tanzania Samuel Sitta unatarajiwa kuwasili nchini siku ya Alhamisi wiki hii kutoka nchini Ujerumani.

 

Akizungumza na waandishi wa habari nyumbani kwa marehemu jijini Dar Es Salaam Msemaji wa familia Gerald Mongella amesema mara baada ya mwili huo kuwasili nchini utapelekwa nyumbani kwa marehemu na siku ya Ijumaa shughuli za kuuaga zitafanyika katika viwanja vya KARIMJEE na kisha utapelekwa bungeni mjini Dodoma.

 

Spika mstaafu Sitta alifariki dunia jana alfajiri katika hospitali ya Technical University of Munich nchini Ujerumani alipokuwa akipatiwa matibabu.

Marehemu Sitta anatarajiwa kuzikwa wilayani Urambo mkoani Tabora.